Preview ng Windows 8.1, Inilabas Na

Naks, parang headline lang sa tabloid. Inilabas na kahapon, Hunyo 26, 2013 and preview version ng Windows 8.1. Ito ay isang update sa Windows 8 na bagong operating system (OS) mula sa Microsoft. Inilabas ang Windows 8 noong isang taon at ang final version naman ng Windows 8.1 ay ilalabas bago matapos ang taon.
 
Ang balitang ito ay walang impact sa 'kin dahil ako ay naka-Windows 7 pa rin. Mahal kasi ang bagong OS ng Microsoft eh. Balita ko nasa P7,000 mahigit pa ang halaga nito sa SM Megamall (yung full version). Kahit naman yung upgrade version ng Windows 8 na kalahati ang presyo ay mahal pa rin. Ayaw ko naman na bumili ng pirated version. Yung Windows XP ko kasi at Windows 7 ay mga genuine copy. Kaya gusto ko, genuine copy rin ng Windows 8.
 
Kung ikaw ay gumagamit na ng Windows 8, eh 'di subukan mo na ang Windows 8.1. Punta ka lang sa link na ito para ma-download ang preview version: 
 
http://windows.microsoft.com/en-us/windows-8/download-preview
 
Sana, bago matapos ang taon, at 'pag lumabas na ang full version ng Windows 8.1 ay meron na akong perang pambili. Ang ganda kasi ng itsura nito eh at mas mabilis talaga kesa sa Windows 7. Madami rin itong mga free apps na walang katumbas na program sa Windows 7. Mga apps na ang uso ngayon eh. At napakadaming free apps na available for download sa Microsoft Store.
 
Hayz, ang hirap sumunod sa uso. Napakabilis ng takbo ng teknolohiya hindi lang sa computer kundi pati sa mga cellphones, TV, at iba pang electronic devices. Talagang sunugan ng pera 'pag sunod ka lagi sa kung anuman ang uso. Buti na lang hindi ako masyadong sumusunod sa uso. Hindi nga ako nahilig sa tablets at touch-screens na cellphone eh. Hindi rin ako nahilig sa console games. Mabuti naman at sa computer lang ako nahilig kaya ito lang ang gusto kong sunod sa uso. Mabuti na lang at madami ng programs ngayon ang libre. Ito lang talagang OS at yung MS Office at walang libreng version na gusto ko kaya ito na lamang 2 software na ito ang binibili ko.
 
Di bale, sa December, bago na ulit ang PC ko at Windows 8 na ang ilalagay ko dito. Konting tiis na lang. Ikaw ba, sunod ka rin sa uso pagdating sa computer programs?

Libreng Sine

Salamat ulit sa Nuffnang PH at sa Sun Cellular dahil nanalo na naman ako sa kanilang pa-contest. Isa ito sa mga perks ng pagiging blogger.

Iron Man 3 nga pala ang pelikula na papanoorin namin bukas sa Newport Cinema 2, Resorts World Manila sa may Pasay City (tapat ng NAIA 3). Siguro pangatlo or pang-apat na beses na akong manonood ng sine sa Newport Cinema – at lahat ng ito ay libre, courtesy of Nuffnang PH at mga sponsors.

Sa mga curious kung ano ang Nuffnang PH, ito ang #1 blog advertisement company sa bansa. Actually branch ito ng Nuffnang na based sa Singapore. Mahigit 6 years nang nago-operate ang Nuffnang PH pero last year lang ako naging member nito. Sinuma nun, kung anu-anong prizes na at events ang napuntahan ko. At sosyalin ang mga events ng Nuffnang PH.

Kung ako sa ‘yo, maga-apply na akong blogger. Magaganda ang perks ng isang blogger – lalo na ‘pag member ng Nuffnang PH.

Kita-kits bukas sa Iron Man 3!

Technorati Tags: Nuffnang Philippines,Sun Cellular Postpaid,Iron Man 3

“Pusong Bato” by Alon Band

Ang Last Song Syndrome (LSS) ay parang Love – ‘di mo alam kung kelan darating at paano.

Nakatambay lang ako dito sa bahay at nagko-computer habang ang aming kapitbahay ay walang habas sa pagkanta sa videoke. Paulit-ulit nilang kinakanta yung “Pusong Bato” kaya siguro nanuot sa aking kukute. Naging LSS ko tuloy!

Badtrip na mga kapitbahay, binigyan ako ng LSS. Baka madala ko ‘tong kanta na ‘to hanggang sa office sa Lunes. Ito na ba ang bagong pambansang kanta ng mga tomador at adik sa videoke?

Ito yata yung original na video ng “Pusong Bato”

Na-curious naman ako sa kanta. Hinanap ko sa YouTube yung original na video. Meron akong nakita, more than 5 million hits na video kaso puro lyrics. Yung sumunod naman, music video at may 3.7 million hits. ‘Di ko alam kung ilang linggo (or buwan na kaya) mula nang sumikat yung kantang ito pero ngayon ko lang talaga ito na-encounter.

Dala ng curiosity ko, nalaman ko na may copyright issue pa yung lyrics ng kanta. At ‘di ko rin malaman kung babae ba o lalaki yung original na kumanta. May lumalabas na original singer ay si Aimee Torres, pero mas sumikat ‘ata yung version ng Alon Band.

Hindi naman ako mahilig manood ng TV pero kinanta na pala ito ni Charice Pempengco sa Kris TV noong December. Ganun kasikat yung kanta. At dahil sa kantang ito, nagkaroon ako ng 2nd blog article dito sa Tagalog blog ko.

Maraming salamat sa aking mga tomador na kapitbahay sa pagbibigay sa ‘kin ng LSS na “Pusong Bato”.

Picture courtesy of www.flutelyrics.ph

Ang kwela at catchy ng lyrics ng kantang “Pusong Bato”.

Technorati Tags: "Pusong Bato",Alon Band,Aimee Torres,LSS